KонференцијатА за е-Демократија „ИКТ, ДВИГАТЕЛ НА ДЕМОКРАТИЈАТА И ТРАНСПАРЕНТНОСТА“ќе се одржи од 12 до 14 септември, во хотелот Инекс Горица, во Охрид.
Организатор на конференцијата е Некстсенс, во соработка со „Centre for e-Governance Development“- Љубљана. Конференцијата е под покровителство на Собранието на Република Македонија, а ќе биде поддржана и од Службениот Весник на Република Македонија,National Democratic Institute-NDI, International Finance Corporation-IFC, Swiss Agency for Development and Cooperation-SDC, Regional Cooperation Council-RCC, Microsoft и Symantec. Целта на конференцијата е да се истакне успешниот пример и напредокот на Република Македонија во воведувањето на ИКТ во легислативниот процес како и да се даде придонес кон одбележувањето на 15 Септември – Меѓународниот ден на демократијата.
Конференцијата ја опфаќа улогата на информатичката технологија во јакнењето на демократијата и транспарентноста на јавните иституции и ќе се фокусира на следните теми:
* Идните технологии за развој на е-Демократија;
* Парламентите во XXI век;
* Развојот на ИКТ во Парламентите;
* Како информатичката технологија го менува начинот на работа на Парламентите;
* Усогласување со политиките и стандардите во правец на ЕУ перспективите;
* Интероперабилност во легислативниот процес;
На отворањето на конференцијата воведно обраќање ќе имаат Трајко Вељаноски, претседател на Собранието на Република Македонија и Иво Ивановски, министер за Информатичко Општество во Владата на Република Македонија, додека финалните заклучоци на затворањето на конференцијата ќе бидат дадени од Ерван Фуере, специјален претставник на Европската Унија во Македонија.Конференцијата ќе биде посетена од делегации од регионот на југоисточна Европа, среден Исток и Африка.
Учеството на конференцијата го потврдија речиси сите земји од Југоисточна Европа, неколку земји, членки на Европската Унија, како и Ерменија, Молдавија, Грузија, Нигерија и други.
