„Твој простор, твој глас“ е мототo на Регионалниот форум за соработка што во организација на Цивика Мобилитас ќе се одржи денеска во Центарот за култура „Григор Прличев“во Охрид.
Форумот кој ќе се одржува од 10:30 до 16 часот ќе им понуди на заинтересираните граѓани и граѓански организации „отворен простор“ во кој ќе можат да ги изберат приоритетните области и да работат заедно на идентификување теми за идни активности.
Присутните ќе имаат можност да споделат искуства за ефективна соработка за општествена промена. Покрај добрите практики од Европа и од Македонија, ќе се споделат и искуствата на локалните граѓански организации.
Цивика Мобилитас обезбедува поддршка за граѓанските организации и другите актери на граѓанското општество. Спроведувањето започна во октомври минатата година и ќе трае четири години.
OhridNews
