Во Охрид денеска ќе бидат потпишани  четири билатерални меморандуми за соработка помеѓу Јавното обвинителство на Република Македонија и јавните обвинителства на Албанија, Србија, Црна Гора и Босна и Херцеговина.

На потпишувањето покрај јавниот обвинител на Македонија, Љупчо Шврговски ќе присуствува и министерот за пправда Михајло Маневски.

Целта на потпишувањето на меморандумите е зголемување на соработката помеѓу јавните обвинителства во регионот во борбата против организираниот криминал.