Десетина навивачи на Вардар се повредени во инцидентот што се случи во финишот од големото фудбалско дерби со Пелистер во Битола, кое заврши со победа на гостите од 1:0.
Како што јави државната агенција „МИА“ инцидентот се случил на една минута пред крајот , кога на трибината каде биле сместени вардаровите навивачи се слушнала експлозија, која неофицијално била предизвикана од шок бомба, по што интервенирала полицијата.
Во изјава за медиумите членови на спасувачки екипи кажале дека дванаесет навивачи на Вардар се пренесени во битолската болница, од кои еден со сериозна повреда на горен екстремитет.
Инцидентите, за жал, се чест „декор“ на големото македонско фудбалско дерби, а денешниот во Битола е најголем до сега.
OhidNews
