Во февруари годинава во земјава се евидентирани 45 992 туристи, од кои 34.7 % биле домашни туристи, а 65.3 % странски, соопшти Државниот завод за статистика (ДЗС).
Најбројни биле туристите од Турција-6 485, Германија-3 971, Србија-2 875 и Грција-2 061, покажуваат податоците на ДЗС.
Бројот на ноќевањата во февруари 2025 година изнесувал 94 981, од кои 40.0 % се од домашните туристи, а 60.0 % од странските.
Во периодот јануари – февруари 2025, во однос на истиот период од претходната година, вкупниот број на туристите е зголемен за 4.2 %. Кај домашните туристи има намалување за 6.2 %, а кај странските зголемување за 11.1 %.
Вкупниот број на ноќевања, пак, во периодот јануари – февруари годинава, во однос на истиот период лани, е зголемен за 5.5 % така што кај домашните туристи има намалување за 6.5 %, а кај странските зголемување за 15.9 %.
OhridNews
