Угостителите можат да здивнат. Препознатливиот национален специјалитет тавче гравче во земјени тави останува на менијата. Но, ќе се подготвува во специјални земјени тави изработени по пропишаните европски стандарди, со глазура во која нема олово, посочуваат експертите.
Истото важи и за другите традиционални специјалитети. Дрвените чинии за послужување, земјените тави и грниња, бакарните ѓезвиња и прибори за јадење и слично и натаму ќе може да се употребуваат доколку се изработени според пропишаните правила. Со тоа не само што ќе се задржи автентичноста на македонската национална кујна, туку и ќе се спречи изумирањето на старите занаети.
Деновиве беше промовирана брошурата „Безбедни традиционални садови за чување, приготвување и служење храна“ која на занаетчиите и производителите на храна треба да им помогне како да го прилагодат своето производство на европските стандарди.
ОOhridnews
