Ова се наведува во најновиот извештај на организацијата кој се однесува на слободата на печатот во вкупно 169 држави.Според годинашниот извештај, Македонија е во друштво на Тајван, САД, Италија и Уругвај.
Медиумите најголема слобода, според „Репортери во граници“, имаат во Исланд, Норвешка и во Естонија, кои се рангирани на првите три места на листата, на која како земји со висок степен на слобода на медиумите, стандардно се наоѓаат и останатите скандинавски земји.
Од земјите во регионот, највисоко рангирана е Словенија, која се наоѓа на 30-тото место според слободата на говорот, а најниско рангирана е Албанија, која е на 79-тото место.Поголема слобода на медиумите од земјите во регионот од Македонија, освен Словенија, имаат Грција и Босна и Херцеговина.
Пониско од Македонија рангирани се сите останати балкански земји, а особени критики има за новата членка на ЕУ, Бугарија, која е рангирана на 59-тото место. Оваа позиција Бугарија, според извештајот, ја „заслужила“ поради слабата слобода на печатот да известува за корупцијата која е особено присутна во земјата.
На ранг-листата првите 20 земји се од Европа, но не и Франција, Шпанија и Италија, кои се рангирани на 35., 36. и 44. место, што според „Репортери без граници“, се должи на лошите политички услови, односно на мафијашкото насилство.
