Регионалната депонија која треба да го реши проблемот со одлагање на сметот од тринаесетте општини во Југоисточниот плански регион, во кој спаѓаат и Охрид и Струга, нема да се гради во селото Арбиново ниту во било кое друго населено место во општината Дебрца, дознава Ohridnews. Одлуката ја донело Министерството за животна средина по претходни експертски конуслтации.
Пред неполн месец на средба на градоначалниците од регионот и министерот за животна средина Неџати Јакупи, што се одржа во Струга, беше најавено дека е постигната согласност од сите општини за изградба на регионална депонија. Градоначалникот на Струга, Рамиз Мерко при тоа спомна пет можни локации за изградба на депонијата, а како најверојатна ја посочи околината на селото Арбиново – охридско.
Таквите најави предизвикаа негодување кај месното население кое се противи на изградбата на регионална депонија во Арбиново. Тие деновиве покренаа и on-line петиција против изградба на депонијата во Дебрца.
Г.М.
