Под мотото “Внимавајте – славеничките куршуми убиваат!“, СВР Охрид започна превентивни активности за намалување на употребата на огнено оружје на семејните веселби.
Употребата на огнено оружје претставува голем ризик за безбедноста по тој што го употребува, како и општа опасност по животот и телото на сите граѓани кои се присутни на веселбата како и во пошироката околина, предупредуваат од Одделението за превенција при СВР Охрид. Оттаму посочуваат дека неовластената употреба на оружје на јавно место и предизвикувањето на општа опасност претставува кривично дело и прекршок кој е санкциониран со позитивните законски прописи.
Полицијата во рамки на своите законски овластувања во тековниот период ќе презема засилени активности заради надминување на овој проблем и против лицата кои употребуваат било каков вид на оружје ќе се преземаат соодветни законски мерки, соопшти СВР Охрид, од каде апелираат до сите граѓани да се воздржат од било каква употреба на огнено оружје.
