Одвивањето на тековните активности поврзани со подигнување на сметот и одржување на јавната чистота не ретко е попречено поради депонирање на несоодветен отпад во контејнерите од страна на несовесни граѓани, велат од јавното претпријатие Комуналец.
Со започнувањето на грејната сезона многу често се депонираат недогорени остатоци од отпад , со што контејнерите се запалуваат, а запалениот отпад предизвикува големи оштетувања на возилото на ЈП Комуналец за транспорт на отпадот.
Несоодветно се одлага и зелениот отпад, кој се остава во контејнерите, со што истите за кратко време се преполнати, а со тоа граѓаните немаат можност да го депонираат отпадот од домаќинствата.
Овие појави претставуваат опасност по животната средина и поширокото население, па затоа од Ј.П.”Охридски Комуналец” упатуваат апел до граѓаните да внимаваат што фрлаат во контејнерите.
OhridNews
