Зоран Заев повторно не кажува ништо ново и останува на истата деструктивна политика за Македонија, која резултираше со половина милион граѓани кои живеат со помалку од 130 денари на ден, нови 40.000 невработени, 1 милијарда нов долг за само 3 месеци, милионски рекет врз бизнисмени и нарушена безбедност по улиците. Ваква е реакцијата на опозициската ВМРО ДПМНЕ на говорот на лидерот на СДСМ на партискиот конгрес кој се одржа денеска онлајн.
Зоран Заев три години нема концепт, ниту идеја за развој на Македонија. Со Заев државата оди назад. Паднати сме на рангирањето на Дуинг Бизнис, а Економист не прогласи за земја каде владее хибриден режим. Нема извештај на меѓународна организација во кој не се пишува за криминалот, корупцијата и политизираноста на целиот систем. Македонија не мрда од мртва точка со Заев. Во последните неколку години немаме разрешница на ниту еден криминален случај. Нема разврска за Рекет, Рекет 2, Леонардо, Сар Хемс, Крвавите тендери, Шик Јелак, и многу други, каде постои сомнение дека лично е вмешан врвот на власта. – велат од ВМРО ДПМНЕ.
Според ВМРО ДПМНЕ Зоран Заев наместо да ги решава проблемите, тој предизвикува нови и ги распродава Гоце Делчев и македонскиот јазик.
OhridNews
