Од општинската ВМРО- ДПМНЕ велат дека се особено горди што предизборните ветувања кои им ги дале на граѓаните успешно ги реализираат, за што потврда е денешното аминување на Предлог одлуката во градскиот Совет , која се однесува на изградба на административно – деловна трговска зграда која вклучува и изградба на затворен зелен пазар.
– Модерниот затворен зелен пазар, кој Власта на ВМРО-ДПМНЕ ќе го гради во Охрид, ќе му даде нов лик на централното градско подрачје. Административно- трговската , деловна зграда ќе го смени досегашниот лош лик на овој простор во градов а ЈП “Градски пазар“ ќе биде сместено во современо уредени простории за работа. Зелениот затворен пазар ќе има лик како познатите светските центри за продажба на свежа храна, овошје и зеленчук а ќе ги исполнува и европските хасап стандарди. Со тоа Локалната власт на ВМРО-ДПМНЕ става крај на очајната состојба во пазарот на која долги години наназад немо гледаа претходните локални Власти и практично не преземаа ништо, градов да добие модерен зелен пазар, велат од ОК на ВМРО- ДПМНЕ.
Оттаму додаваат дека локалната власт од ВМРО-ДПМНЕ покажала дека знае да работи и да го реализира тоа што го ветила. Потенцираат дека власта и во наредниот период ќе продолжи чесно , макотрпно и отчетно да го реализира сето она што во изборната програма им го ветила на своите граѓани.
OhridNews
