ВМРО ДПМНЕ експресно реагираше на прес конференцијата на СДСМ, на која според оваа партија јавноста не добила одговор на поставените прашања во врска со заработката од проектот компллекс „Летница“. Во соопштението за јавност се вели:
„Дури и на партискиот прес на СДСМ останаа неодговорени клучните прашања кои се поставени : Кој ќе заработи од проектот комплекс Летница , колкава е заработката на СДСМ и олигархијата , на Бранко Црвенкоски и Петрески од овој проект и зошто градоначалникот Петрески не направи ништо за да го спречи овој проект иако имаше 5 години да го стори тоа? Го повикуваме Петрески и СДСМ да престанат да ги кријат своите неуспеси и полулегални активности зад напад на ВМРО-ДПМНЕ, Владата или било кој претходни или сегашни раководства. Петта година имаат Градоначалник на Охрид и тој ја сноси одговорноста.
ВМРО ДПМНЕ за грешките кои ги направила во своето дејствување ја доби пораката од граѓаните во 2002 година . ВМРО ДПМНЕ ја препозна пораката и веднаш потоа комплетно се реформира во 2003 година и донесе нов дух , ново раководство, нови идеи и нови стандарди во македонската политика кои се базираат на принципиелност ,отчетност и морал, за разлика од СДСМ која и по 3 изборни порази , до ден денес не успеа да се реформира и ги врати Бранко Црвенкоски и од нив создадената олигархија.
Воедно го упатуваме локалното раководство на СДСМ да го запраша својот шеф Бранко Црвенкоски како и на кој начин групацијата „МI-6“ која во моментов е сопственик на комплексот Летница, по смешна цена ја приватизираше Скопска пивара во деведесеттите години во времето кога СДСМ ја имаше апсолутната власт а Бранко Црвенкоски беше премиер и колку заработи таа групација од таквата приватизација.“ – стои меѓу другото во соопштението на ВМРО ДПМНЕ.
