Владата, во соработка со ЗЕЛС, ќе работи да им помогне на преостанатите општини да влезат во втората фаза на фискална децентрaлизација и ќе продолжи со поддршка за систематско јакнење на капацитетите на вработените во општините, изјави премиерот Груевски на отворањето на Саемот на ЗЕЛС, кој денеска беше отворен во Скопје.
Меѓу општините кои се’ уште не се влезени во втората фаза на децентрализација е и Општина Охрид, која и покрај потенцијалот и големото значење, поради наследените долгови од минатото не може да ги преземе целосно ингеренциите.
На саемот на општините „ЗЕЛС ЕКСПО 2009“ се претставуваат повеќе од 50 локални самоуправи, кои ги презентираат своите активности, постигнати резултати и идни проекти. На саемот учествува и Општина Охрид.
Ohridnews
