Основниот кривичен суд Скопје, денеска ја објави пресудата за предметот во јавноста познат како „Специјална каса“ според која обвинетите Тони Јакимовски и Стево Маџовски ги огласи за виновни за кривичното дело „злоупотреба на службена положба и овластување“ и неправосилно ги осудува на казна затвор. Поранешниот шеф на кабинетот на Сашо Мијалков, Тони Јакимовски доби шест години затвор, во која казна му се засметува времето поминато во притвор, а Маџовски е осуден на казна затвор во траење од четири години.
Судот утврдил дека обвинетите подигале парични средства за потребите на касата за исплата на средства за посебни намени за УБК, но воедно утврдено е дека евиденцијата за потрошените парични средства се уништени заедно со документацијата за исплата, односно главната книга за евиденција без за тоа да постои посебно одобрение од директорот на Управта и без за тоа да биде формирана комисија за ништење на материјална документација, стои во соопштението.
Против оваа пресуда странките, по приемот на пресудата, имаат право на жалба преку овој суд до Апелациониот суд, навеуваат од Основен кривичен суд Скопје.
Судот ја ослободи од обвинението К.Ј., затоа што јавниот обвинител не докажал надвор од разумно сомневање дека обвинетата го сторила делото за кое се обвинува.
OhridNews
