На церемонијата што синоќа се одржа во Музејот на град Скопје, покрај интернет порталот www.ohridnews.com, посебни признанија уште им беа доделени на „Утрински весник“ и на телевизијата „Алсат М“.
На свеченоста беа доделени и наградите во повеќе категории кои оваа година ги понесоа телевизиите Алфа, А1 и Нова тв од Куманово, додека главната награда отиде во рацете на телевизијата Канал 5 од Скопје.
На присутните на церемонијата им се обрати и американскиот амбасадор Филип Рикер, кој го истакна значењето на медиумите во градењето на граѓанското општество.
– Новинарите мора да бидат заштитени за да можат слободно да ги искажат идеите и да обезбедат информации за прашања кои се од интерс на граѓаните. Работата на медиумите треба да биде ослободена од политиката или деловните интереси, истакна амбасадорот Рикер.
Наградите и признанијата на медиумите кои најмногу придонеле за зајакнување и промовирање на граѓанското општество во Република Македонија, МИМ ги доделува по четврти пат.
