И оваа туристичка сезона која е при кај во Охрид можеше да се забележи хаос во приватното сместување. Гостите се чекаа на автобуската станица и по улиците, а неретко периферјата на градот им се претставуваше како центар на Охрид. И годинава дел од станоиздавачите дејноста ја извршуваа на диво без извршена категоризација на собите односно дозвола за работа.
Со новиот Закон за угостителска дејност кој беше донесен на почетокот од овој месец се предвидуваат високи казни за станоиздавачите кои им издаваат соби на туристи, а немаат склучено договор со некоја туристичка агенција. Казната за овој прекршок изнесува 400 евра. Толкава е казната и за издавање објекти што не ги исполнуваат минималните технички услови и не се категоризирани.
Точниот број на приватни станоиздавачи во Охрид не е познат затоа што категоризацијата сеуште не е завршена. Тоа остава простор за манипулација особено со прибирањето на туристичката такса која не може да се наплати поради немањето целосна и точна евиденција на бројот на леглата во приватното сместување.
Ohridnews
