Вис Пој – Спарадајз ќе играат во финалето на турнирот во мал фудбал Охрид 2010. Вис Пој финалето го обезбеди по победата од 4-0 над Ликвид.
Целата приказна околу прашањето на победникот беше решена уште во првиот дел. Ѓорѓиески по десет минути игра го отвори резултатот. Десет минути подоцна по додавањето на Јованоски истиот играч зголеми на 2-0. Одличниот прв дел Јованоски го заоокружи со третиот погодок за Вис Пој на додавање на Ѓорѓиески.
Сите дилеми околу пласманот во финалето беа разрешени на старот на вториот дел со погодокот на Пазаркоски, за конечни 4-0.
Спарадајз во финалето се пласираше по победата од 5-4 на пенали против Десарет.Натпреварот по регуларните 50 минути заврши без голови 0-0. Најзрелите прилики ги имаа Зекири и Маркоски, но мрежите на Карамачески и Јусуфи не се тресеа.
Ударите на Шакири и Нически го погодија дирекот, односно гредата, но голови немаше, ниту по продолженијата од два пати по пет.
Спарадајз беше поуспешан во пенал рулетот со 5-4. Единствениот кој не ја погоди целта беше Демири во првата серија.
Финалето се игра во среда во 20.30.
Фото Емилио
М.П.
М.П.
