Викендов кој доаѓа во македонската кошарка ќе започнат возбудувањата и во Втората лига. Оваа како и минатата сезона, Втората лига ќе биде поделена на исток и запад.
Од десетте екипи во западната конференција дел ќе биде и Градскиот кошаркарски клуб Охрид. Охридските кошаркари сезоната ќе ја стартуваат на гостински терен кај тимот на Ринија.
Првопласираните четири екипи од исток и запад се пласираат во четвртфиналето. Се игра во два добиени натпревари според системот (и1-з4, и2-з3, и3-з2, и4-з1), од кои првиот се игра на теренот на подобро пласираната екипа.
Победниците од четвртфиналните серии обезбедуваат пласман во полуфиналето на плеј-офот, кое исто така, се игра во два добиени натпревари. Двете екипи кои ќе ги добијат овие полуфинални серии ќе бидат промовирани во членови на Првата лига-мажи за сезоната 2021/2022.
Двојки 1. рунда:
Тетекс ТТК – Спорт Тим
П. Водно Санс – Чаир 2030
Мега Баскет – Пелистер Медика Карта
Ринија – Охрид
Хераклеа – Спарта
OhridNews
