Времето денеска ќе биде променливо облачно и нестабилно со локален пороен дожд, грмежи и засилен ветер. Наместа процесите ќе бидат во форма на невреме со интензивен пороен дожд, силни електрични празнења, силен ветер со брзина над 70 километри на час и појава на град, информираат од УХМР.
Минималната температура ќе биде во интервал од 11 до 17, а максималната ќе достигне од 25 до 32 степени. УВ индексот ќе изнесува 7.
Во Охрид ќе биде променливо облачно и нестабилно. Минималната температура ќе се спушти до 13, а максималната ќе достигне до 28 степени.
Под влијание на влажна и нестабилна маса и утре времето ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со интензивен пороен дожд, силни електрични празнења, силен ветер над 70 километри на час и појава на град. Дневната температура ќе се намали за неколку степени, велат од УХМР.
OhridNews
