Со голема парада на градскиот плоштад, охридските матуранти денеска го одбележаа завршувањето на средното образование.

Тие и оваа година беа дел од големата прослава што истовремено се одвиваше на плоштадите во седумдесетина европски градови. .Околу 250 охридски матурантите го изиграа Штраусовиот валцер „Лилјакот“, во обид заедно со своите врсници од Европа да постават нов Гинисов рекорд. Вкупно 26.772 матуранти од 66 европски градови истовремено танцуваа, а дел од оваа своевидна атракција трета година по ред се и охридските матуранти. Нивниот танц на градскиот плоштад  го привлече вниманието на охриѓани кои уживаа во прекрасната изведба.


фото: ДИГИТАЛ ФОТО МИКИ

Матурата на охридските средношколци им ја честиташе градоначалникот, Александар Петрески кој во своето поздравно обраќење рече дека Охрид се гордее со своите млади.

–Во овие моменти, вашиот валцер и разиграната младост, се најубавата порака што можеме да ја испратиме од историскиот Охрид до пријателите во Европа и Светот. Тоа е порака на космополитска припадност и упатеност едни кон други. Оваа парада на младоста е најдобрата порака за тоа дека Охрид и неговите граѓани се дел од Европа, нејзината култура, нејзината младост и иднина, рече Петрески.




Величествен танц на охридските матуранти

Ohridnews
фото: ДИГИТАЛ ФОТО МИКИ