Прашината која се крена после натпреварот во Лигата на Шампиони помеѓу Ајакс – Реал Мадрид за “непромислените“ картони на Серхио Рамос и Чаби Алонсо доби нова димензија откако УЕФА и официјално поведе истрага против тренерот Хозе Мурињо, капитенот Икер Касиљас, резервниот чувар на мрежата Јиржи Дудек и “избрканите“ Серхио Рамос и Чаби Алонсо. Дисциплинската комисија на УЕФА на 30 ноември ќе дискутира за евентуалната казна и суспензија на актерите во циркузот “Амстердам Арената“.
Да не бидат само “кралевите“ во центарот на вниманието се погрижи тренерот на романскиот Клуж, Сорин Карту кој го искриши покривот на клупата за резерви откако неговата екипа на натпреварот со Базел претрпи минимален пораз и ги загуби сите шанси за пласман во понатамошната фаза.
Мх.П.
