Единицата за борба против недозволена трговија со дрога при ООК, во содејство со СВР Охрид – ПС Струга – ОНТДО, реализираа случај на недозволена трговија со марихуана. 

По претходно добиени оперативни сознанија  дека лицето З.А.( 39) од село Заграчани- Струга,  во својот двор одгледува насади со марихуана, на ден 05.07.2010 година во 17,00 часот, спроведена е координирана акција во содејство со СВР Охрид – ПС Струга – ОНТДО и врз основа на наредба на надлежен истражен судија извршен е претрес во домот на осомничениот.



При извршениот претрес на три локации во дворното место биле пронајдени вкупно 340 стебла марихуана со просечна висина од 1,5 до 2,8 метри, од кои 40 стебла биле засадени во саксии. Вредноста на дрогата која била наменета за домашниот пазар се проценува на 30 000 евра.

Стеблата со марихуана се предадени во Одделот за криминалистичка техника на МВР за понатамошно вештачење.

До Основното Јавно обвинителство во Струга, против З.А. е поднесена кривична пријава, за сторено кривично дело “Неовластено производство и пуштање во промет на наркотични дроги, психотропни супстанции и прекурзори”.

Ohridnews
извор: МВР