Барселона и Реал Мадрид водат мртва трка за титулата во Примера Дивизион. Борбата за шампионската круна ја зачинуваат најдобрите фудбалери во обата табори Лионел Меси и Кристијано Роналдо кои го делат врвот во листата на стрелци.
Од натпревар во натпревар гледаме разноврсни потези од широкиот асортиман на португалецот Кристијано Роналдо. Популарниот “CR 7“ на мечот со Сарагоса постигна погодок од слободен удар, топката кон голот на немоќниот Лео Франко се движеше со 105 километри на час.
Аргентинецот во дресот на “блауграната“ продолжи да ги меле дефанзивците од противничкиот табор. Следни на менито на Лионел Меси и компанија беа гостите од Сосиедад кој беа торпедирани со 5-0. Меси постигна два несекој дневни погодоци и асистираше за првиот.
ohridnews
