Состојбата во Јапонија по силниот земјотрес од 8.9 степени според Рихтер кој предизвика цунами бранови високи до 10 метри е апокалиптична. Како што јавува репортерот на OhridNews од Токио,  во земјотресот чиј епицентар бил на 400 километри североисточно од јапонската престолнина во Тихиот Океан настрадале најмалку 70 луѓе, најмалку 250 се повредени, а голем број лица се водат за исчезнати. Во некои области нема струја, вода, нема телефон. Голем број објекти се разурнати, а водата е навлезена длабоко во градовите. На половина час се чувствуваат помали потреси, улиците се бликирани  меѓу населението владее вознемиреност.

Ројтерс јави дека брановите од цунамито кое го предизвика исклучително силниот земјотрес во Јапонија, потопија брод во кој се наоѓале околу 100 луѓе. Земјотресот предизвика многу пожари, а загрозени се и нуклеарните постројки во земјата поради што е прогласена вонредна состојба.

Опасност од цунами е прогласена во  рускиот Далечен исток, Филипините и на Маријанските острови, каде се врши евакуација на населението.

Горан Момироски
Адријан Битрак