Палермо го доби мини дербито против Фиорентина неочекувано убедливо со 3-0. Хернандез на два пати и еднаш Будан беа стрелци на головите. Наполи продолжува со одличните игри, победувајќи на гостувањето кај Ливорно со 2-0. Продолжува резултатската криза за Лацио кој на Олимпико ремизираше 1-1 против Киево.
Удинезе и Сампдорија одиграа интересен натпревар кој заврши со победа на домаќините од 3-2. Џенова им се врати на победите, откако со 2-0 ја совлада Аталанта, додека Болоња со пресврт дојде до победа против Бари од 2-1.Сиена и Каљари одиграа натпревар без победник 1-1.
Поразот од Наполи значеше крај за Серсе Козми на клупата на Ливорно. Неговото место се очекува да го пополнат Луиџи Кањи или Џанлуиџи Камолезе.
Вечерва од 20.45 играат Интер – Милан.
М.П.
