Охридските фудбалери со триумф ја запечатија успешната полусезона во Втората македонска фудбалска лига, совладувајќи го Кадино со 2-1. „Рибарите“ до победата дојдоа на крилата од Шериф Реџепи кој ги постигна двата погодоци. Реџепи стрелаше во 43-та и 45-та минута. Гостите иако имаа фудбалер повеќе од 9-та минута на дуелот на СРЦ „Билјанини Извори“ успеаја само да го ублажат поразот.

Фудбалскиот клуб Охрид со 28 бодови финишираше на четвртата позиција на табелата. Охриѓани заостануваат два бодови од дуото Гостивар и Велешта, кои имаат по 30 бодови. Неприкосновен лидер е Скопје со 37 бодови.

OhridNews

 

Фајтерски триумф на Охрид

Оценки: Блесок на Реџепи, „рибарите“ ги оставија срцето и душата за победа

Шериф Реџепи: Пресреќен за головите, а посебно за победата