Додека светот стравува од можна епидемија од новиот грип од типот А (H1N1), кој на почетокот, а и сеуште многумина го нарекуваат свински грип, досетливите американци решија по стариот добар обичај од сето тоа да направат малку забава. Така по интернет деновиве се врти видео спот за свинскиот грип кој е компилација од телевизиски вести и анимација.
И додека на едни им е до забава, други сериозно работат на откривање на причините за појавата на новиот вирус А, од кој до сега според Светската здравствена организација се инфицирани околу 3500 луѓе во речиси 30 држави. Канадските лекари го дефинираа генетскиот код на новиот вирус и наскоро би можело да се очекува да биде создадена вакцина против опасниот грип. Иако тензијата малку се намали, Светската здравствена организација апелира на внимателност, особено поради фактот што новиот грип лесно може да мутира и да предизвика глобална пандемија.
Ohridnews
