Првично беше предвидено светската промотивна турнеја да започне од Дубаи, но на инсистирање на Том Круз таа почна од Токио, во знак на поддршка на народот на Јапонија кој сеуште ги чувствува последиците од катастрофалниот земјотрес, што се случи во март оваа година.
На црвениот тепих во јапонската престолнина се појавија главните актери во филмот: Tom Cruise, Paula Patton, режисерот Bradley Bird, како и бројни ѕвезди.
Том Круз е еден од најстрпливите актери кој исклучително високо ги почитува своите обожаватели. Иако е голема филмска ѕвезда со фановите е вистински пријател. Тој е еден од ретките актери кој во филмовите не користи дублер.
Paula Paton во живо е секси и зрачи со позитивна енергија. На црвениот тепих во Токио изгледаше среќно и грандиозно.
“BMW i8 concept” е новиот спортски автомобил, кој за прв пат се појавува во “Mission Impossible 4”. Овој модел деновиве беше претставен на мото шоуто во Токио.
Музиката за 4-то пролжение на “Невозможна мисија“ беше промовирана во живо во изведба на познатиот јапоснки гитарист Tomoyasu Hotei. Тој исто така е изведувач на музиката во филмот “Kill Bill“.
“Missión Impossible” e eден од најуспешните акциони филмови во светот.
Адријан Битрак
