Со синоќешните четири натпревари се комплетираше првото коло од плеј оф во НБА Лигата.
Аткуелниот освојувач на “прстенот“ Лос Анџелес Лејкерс со победа тргна во одбраната на трофејот. Лејкерси извојуваа победа над Оклахома Сити со 91-79, а најзаслужни за тоа беа Шпанскиот репрезентативец Пол Гасол со дабл, дабл учинок (19 поени, 13 скока и 3 блокади) и Коби Брајант кој беше најефикасен со 21 поен.
Далас Маверикс поведе во серијата со Сан Антонио Спарс,откако на домашен терен “телињата“ го совладаа Спарс со 100-94. Дирк Новитцки со 36 поени ги предводеше Маверикс, своја улога во победа на Далас имаше и Џејсон Кид со 13 поени, 8 скока и 11 асистенции.
Резултати: Далас – Сан Антонио 100-94, ЛА Лејкерс – Оклахома Сити 91-79, Орландо – Шарлот 98-89, Феникс – Портланд 100-105
