Милан убедливо со 3-0 го совлада Интер во градското дерби и направи голем чекор кон освојување на титулата во италијанската Серија А. “Росонерите“ уште во првата минута од мечот дојдоа во предност преку Пато.
До крајот на првиот дел, “нероаѕурите“ се заканаа преку Пацини, а во финишот на првиот дел Ето ја имаше шансата на мечот кога од непосредна близина не успеа да го погоди празниот гол на Милан.
Работите и тоа како беа олеснати за тимот на Алегри кога Киву беше исклучен по стартот над Пато, кој беше во налет. Пато подоцна по удар-додавањето на Абате по втор пат го матираше Цезар.
“Црвено-црните“ потоа имаа серија можности да ја зголемат предноста, но одличниот Цезар ги стопираше ударите на Робињо, Пато и Боатенг.
Конечниот резултат го постави Касано од пенал во финишот на мечот. Касано по постигнатиот гол поради соблекување на дресот заработи жолт картон, а неколку минути подоцна поради стартот над Кордоба и втор жолт автоматски црвен.
Ohridnews
