Лекарите од  специјалната болница за ортопедија и трауматологија Св. Еразмо во Охрид,  деновиве извршија сложена операција на мозок над возрасен пациент од кој бил изваден тумор со дијаметар од 15-на сантиметри, најголем  досега  во Македонија.


лекарите од Коснозглобна извадија најголем тумор во Македонија

Операцијата ја изврши д-р Митре Милошевски со стручна асистенција на д-р Кирил Лозанче од скопакста клиника. Пациентот на кој лекарите во повеќе странски клиники му давале малку шанси да преживее, по 6-часовната операција во средата во коснозглобната болница  се чувствува добро и веќе е на ноѕе, ни изјави д-р Милошески.


Веќе осум години во Коснозглобна се работи на  создадевање  високо стручна анестезиолошка служба која располага со современа апаратура за интензивно следење на најтешките болнички случаи, ни изјави д-р Харалампие Шокаревски,  анестезиолог – реаниматор.


Нурохируршкото одделение во  специјалната болница за ортопедија и трауматологија во Охрид од 2001 година до денес има извршено 250 неурохируршки операции, од што 50-на операции на мозок кај кои смртноста во светски рамки е околу 60%. Со најавеното доопремување на болницата со магнетната резонанца и други современи апарати, се очекува болницата Свети Еразмо да го продолжи успешниот развој во регионален здравствен центар каде услугите покрај македонските граѓани се повеќе ги користат и пациенти од соседна Албанија и Косово.

Горан Момироски