Тамаш Прискин беше стрелец за Ипсвич кој го изненади Арсенал победувајќи со 1-0 во првиот натпревар од полуфиналете во Карлинг купот на Портман Роуд.
Тимот кој пред неколку дена го отпушти менаџерот Рој Кин ги надигра топџиите, кои мака мачат со нисколигашите во Англија. Минатиот викенд избраниците на Арсен Венгер се извлекоа од пораз во мечот со Лидс од третата рунда од ФА купот. Ипсвич пак за разлика од нив беше поразен од Челси со 7-0.
Реванш мечот се игра на 25 јануари, додека во второто полуфинале по првиот дел предност има Бирмингем кој со 2-1 го победи Вест Хем.
Ohridnews
