Актуелниот шампион Манчестер Јунајтед и лидерот на табелата Челзи извојуваа победи во 22-то коло од Премиер Лигата.
“Сините“ на Стемфорд Бриџ со 7-2 го совладаа Сандерленд. Ањелка и Лампард на два пати, Ешли Кол, Балак и Малуда по еднаш беа прецизни додека поразот за “црните мачки“ го облажија Зенден и Бент.
Пулените на Сир Алекс Фергусон по еден час игра успеа да го скршат отпорот на Барнли. Бербатов, Руни и дебитанскиот погодок на Диуф ја затресоа мрежата на Барнли за конечни 3-0.
Резултати: Стоук – Ливерпул 1-1, Челзи – Сандерленд 7-2, Мен Ју – Барнли 3-0, Портсмут – Бирмингем одложена, Тотенхем – Хул 0-0, Вулверхемптон – Виган 0-2, Евертон – Мен Сити 2-0.
Табела: Челзи 48, Мен Ју 47, Арсенал 42, Мен Сити 38, Тотенхем 37
