По завршување на 9тото коло од Евролигата, Барселона остана единствена непоразена екипа, издвојувајќи очекувана победа на гостувањето кај АСВЕЛ од 90-64. Најефикасен беше капитенот Хуан Карлос Наваро со 15 поени.

Уште 2 екипи изборија пласма во ТОП 16 фазата по синоќешните натпревари. Стандардниот Макаби Електра ја победи Лотоматика Рома со 79-59, а најпријатното изненадување го приреди екипата на Химки, на кој ова му е прва сезона во најелитното Европско натпреварување. Патот во ТОП 16 екипата на Химки го завери со победата над АЈ Милано од 79-63.

МВП титулата на 9тото коло ја поделија Чаки Еидсон од Макаби и Милош Теодосиќ од Олимпијакос, остварувајќи индекс на корисност 34. Американецот во редовите на Макаби  уфрли 23 поени, а српскиот репрезентативец Теодосиќ блесна во продолжението на гостувањето кај Ефес Пилсен, остварувајќи дабл-дабл учинок од 17 поени и 12 асистенции.


РЕЗУЛТАТИ И ТАБЕЛИ:
ГРУПА А
АСВЕЛ                 64-90           Барселона
Жалгирис          68-61           Цибона
Монтепаски      101-58          Фенербахче Улкер

Табела: 1.Барселона 9-0; 2. Монтепаски 8-1; 3.Фенербахче 3-6; 4.АСВЕЛ 3-6; 5. Жалгирис 2-7; 6.Цибона 2-7

ГРУПА Б
Ефес Пилсен          85-93 прод. Олимпијакос
Уникаха                 72-88           Орлеанс
Партизан               97-67           Лиетувос Ритас

Табела: 1.Олимпијакос 7-2; 2.Уникаха 6-3; 3.Партизан 5-4; 4.Лиетувос Ритас 4-5; 5.Ефес Пилсен 3-6; 6.Орлеанс 2-7

ГРУПА Ц
Унион Олимпија   77-80 прод. ЦСКА
Макаби                79-59           Лотоматика
Каха Лаборал     73-65            Маруси

Табела: 1.Каха Лаборал 7-2; 2.ЦСКА 7-2; 3.Макаби 6-3; 4.Маруси 3-6; 5.Лотоматика 3-6; 6.Унион Олимпија 1-8

ГРУПА Д
Химки                      79-63          АЈ Милано
Панатенаикос         74-66          Проком
Реал Мадрид          73-60          ЕВЕ Баскетс

Табела: 1.Реал Мадрид 7-2; 2.Панатенаикос 7-2: 3.Химки 6-3; 4.Проком 3-6; 5.АЈ Милано 3-6; 6.ЕВЕ Баскетс 1-8

Последното, 10-то коло ќе се одигра на 13 и 14 jануари.   

К.Д.