Со оглед на ниската температура на водата во Охридското езеро-кај пристаништето 6.5 степени, релативно ниските температури на воздухот кои се најавуваат за утре, 19-ти јануари, околу 5 степени, северен ветар, од општинскиот Црвен крст со апел до верниците кои ќе влегуваат во водите на Охридското Eзеро-да бидат исклучително внимателни.
- Да не влегуваат во вода доколку чувствуваат слабост или имаат било каков здравствен проблем
- Оние што ќе влегуваат во вода, во неа да се задржуваат кратко (не подолго од 3 мин.)
- Во вода телото се лади десетина пати побргу отколку во воздух, особено при зголемени телесни активности.
- Да не консумираат алкохол пред влегување во вода, а да земаат топли безалкохолни напитоци-чај. Алкохолот рапидно го забрзува намалувањето на температурата во организмот.
- Да носат обувки при влегувањето во вода
- Да имаат сува и топла облека по излегувањето од вода
OhridNews
