Викендов во организација на
Велосипедска Федерација на Македонија и техничка организација на 
Велоспедски Клуб Екодром – Охрид ќе се одржи државното првенство во Крос
кантри – КРСТИ 2011.

Стартот е закажан за Сабота напладне кај стартна рамнина пред резервоарот на Проаква – Охрид, прво свртување во лево после информативниот центар на НПГ.
На “Државното“ ќе се натпреваруваат повеќе категории и тоа  Кадети,
Јуниори, Елите, Мастерс, Жени, Хоби, за секој од категориите предвидени
се различен број на кругови.

–
Патеката е со должина од 5,6 км , започнува со искачување према село
Рамне по колски пат во должина од 2,8 км, следи спуштање помеѓу меѓите
од нивите на селото, преку место викано Крсти се поминува долот Старец,
пареку долот Глувчедол, преку ливадите па се до каменоломот, навлегуваме
низ густа борова шума над стрелиштето, блага нагорнина и ете не
повторно на стартната рамнина кај резервоарот за вода – инофмираат од клубот организатор.

Право за пријава на учество имаат сите лиценцирани натпреварувачи од листата на ВФМ,трката
се вози според правилата на УЦИ, секој натпреварувач вози на сопствена
одговорност, задолжителна употреба на заштитна кацига.

Организаторот ќе обезбеди медаљи за тројцата пласирани од категориите, Кадети, Јуниори, Елите, Мастерс.

Ohridnews