Од 1-ви до 6-ти септември 2015 година во селото Велестово во Охрид ќе се одржува Интернационалниот камп за претприемачи StartQube.
Целта на кампот е да го зголеми претприемачкиот дух на младите во Македонија и регионот. Насочен е кон младите луѓе од сите области, кои се ентузијасти за да започнат свој бизнис или да развиваат некаков продукт.
-Целта ни е да ги доближиме практичните и тешко стекнати искуства на менторите, луѓе кои ги направиле правилните одлуки, до оние кои можат да имаат реална корист од нивните искуства, луѓето кои допрва ги формираат нивните идеи и почнуваат да работат на нив, велат организаторите на настанот, кои воедно веќе три години по ред во Охрид го организираат добро познатиот програмерски маратон Codefest.
Низ практични работилници кои ќе ги водат врвни ментори од Европа, учесниците ќе можат „од прва рака“ да го согледаат процесот низ кој поминува една стартап компанија.
Повеќе информации за начинот на пријавување за овој камп може да се добијат на веб страницата http://startqube.codequbate.
OhridNews
