Вечерва на сцената во црквата Св. Софија, со почеток во 21 часот, ќе настапи познатиот пијанист од Русија, Николај Лугански.

Роден како син на руски научници, музичката способност на Николај Лугански била очигледна од неговото рано детство. Почнал формално да учи клавир на пет години и за една деценија, под експертското водство на Татјана Николаева, веќе примал блескави пофалби за неговите изведби.

Во 1988 го освои сребрениот медал на 8-от меѓународен натпревар „Бах“ во Лајпциг и две години подоцна втората награда на московскиот Рахмањинов натпревар. Најголемиот триумф на Лугански е во 1994 година кога ја освои втората награда на 10-от меѓународен натпревар „Чајковски“. Од тогаш има меѓународна слава со серија на славни концертни настапи и аудио записи. Лугански има преку 30 големи концерти во неговиот репертоар, опфаќајќи концерти од Бах до Рахмањинов.

Ohridnews