Вечерва на ледината под манастирот Света Петка во селото Велгошти ќе се одржи традиционалната “ Вечер на Живко Чинго”. Културната манифестација се одржува традиционално во Велгошти, родното село на Чинго- еден од најпознатите македонски писатели од втората половина на 20-тиот век. Целта на манифестацијата е да се оддаде должна почит на ликот и творештвото на авторот на „Пасквелија“ и „Големата вода“ .
Со цел да се даде придонес во литературното творештво и да се поттикне творештвото на современите творци, во рамките на оваа културна манифестација Локалната самоуправа, четврта година по ред распиша Конкурс за најдобар расказ. Како што е познато, годинава наградата за најдобар расказ ќе ја понесе охридскиот пистаел Димитар Пандев. Врачувањето на наградата за најдобар расказ е дел од свеченоста што ќе се одржи во Велгошти, на местото каде е подигнато и спомен обележје на писателот.
Манифестацијата „Вечер на Живко Чинго“ се одржува токму на 13. Август во чест на сеќавање на денот на смртта на писателот.
Ohridnews
