Непопуларен потег на најтрофејниот македонски клуб кој одлучи да не го одигра натпреварот од последното коло против Металург на Железарница.
Скопјани ваквиот потег го објаснуваат како израз на револт од случајот околу исписницата на нивниот играч, стипендист Стефан Ристовски, за кој раководството на клубот смета дека Фудбалската федерација на Македонија му дозволила неоправдано да го напушти нивниот клуб.
Состојбите во некогаш најквалитетниот македонскиот фудбалски бренд се далеку под името и реномето на клубот. Серија управи и тренери се сменаа на кормилото на “црвено – црниот“ брод, кој одамна го изгубил компасот.
М.П.
