Непознати сторители демолирале две од десетте табли кои што преку проектот за развој на руралниот туризам финансиран од мисијата на ОБСЕ во 2008 година во склоп на програмата за меѓуопштинска соработка беа изработени и поставени на територијата на општините Охрид и Дебрца.
Каско што информираат од Секторот за туризам и локален економски развој кој работеше на проектот, уништени се таблите поставени кај локалитетите Починка и Требеништа.
Несовесни граѓани од таблата кај Починка ја украле мапата и фотографиите кои го презентираа тоа подрачје, а ја однеле и заштитната табла од плексиглас, додека во Требеништа буквално ја демонтирале и носечката дрвена табла заедно со мапата и плексигласот па така останата е само дрвената конструкција и покривот.
Ohridnews
