Бројните тезги , на кои буквално се продава се и сешто, од маици, до пченки, шеќерна волна, балони, сувенири ќе останат на Кејот на езерото до крајот на овој месец.
Сопствениците на нелегално поставените тезги, коментираат дека тука ќе бидат уште десеттина дена, односно додека има туристи. Коментираат дека мора да доаѓаат тука, затоа што за некои од нив тоа е единствениот извор на егзистенција.
Од друга страна, надлежните служби при Локалната самоуправа и годинава останаа глуви на реакциите на граѓаните и туристите дека она што се случува на градскиот кеј не му доликува на едно туристичко место како Охрид.
И покрај заложбите на екипите од ЈП Комуналец, преку уредување на зеленилото, кејот да добие еден светски лик, сето тоа пропадна во вода со панаѓурот кој и годинава, за жал му се случи на Охрид.
Ohridnews
