На 30 април 2025 година (среда), со почеток од 12:00 часот, во просториите на Младински Центар Охрид ќе се одржи Саем за образование и кариера, со цел да им понуди на младите луѓе од Охрид и околината директна можност за информирање, вмрежување и планирање на својата професионална иднина.
На саемот ќе учествуваат образовни институции од високо и средно образование, како и организации и академии кои нудат алтернативни форми на едукација и професионален развој.
Високото образование ќе биде претставено од:
- Универзитет „Св. Кирил и Методиј“ – Скопје (УКИМ)
- Факултет за земјоделски науки и храна
- Факултет за информатички науки и компјутерско инженерство (ФИНКИ)
- Машински факултет
- Факултетот за дизајн и технологии на мебел и ентериер
2. Универзитет „Св. Климент Охридски“ – Битола (УКЛО)
- Ветеринарен факултет
- Факултет за информатички и комуникациски технологии (ФИКТ)
- Факултет за туризам и угостителство – Охрид
- Универзитет за информатички науки и технологии „Св. Апостол Павле“ – Охрид (UIST)
3. Приватни универзитети, академии:
- Европски Универзитет – Скопје
- Меѓународен Балкански Универзитет – Скопје
- American University in Bulgaria
- Brainster Next College
- Qinshift
Други организации:
- Education USA
- АСК (Асоцијацијата за советници за развој на кариера)
Средното образование ќе го претставуваат охридските средни училишта:
- СОСУ „Св. Кирил и Методиј“
- ОСУ „Св. Климент Охридски“
- ОЕМУЦ „Св. Наум Охридски“
- РЦСОО „Ванчо Питошески“
Посебен сегмент на Саемот ќе бидат сесиите за индивидуално кариерно советување, каде учесниците ќе имаат можност за еден-на-еден разговор со професионални кариерни советници од Асоцијацијата за советници за развој на кариера, кои ќе понудат стручна поддршка за личниот и професионален развој на младите. Настанот е отворен за сите млади луѓе, ученици, студенти и млади професионалци кои сакаат да добијат информации од прва рака и да направат важни чекори кон нивната иднина, информираат организаторот, Младински Центар Охрид.
OhridNews
