“Медиумската писменост е способност за ефикасно комуницирање ,споделување, разбирање или ширење на информации и на знаења преку медиумите или од медиумите”. Вака деновиве ја дефинираа медиумската писменост педесетина професори македонисти од основните училишта од Охрид, Дебарца, Вевчани и Струга, во рамки на семинарот за Унапредување на Медиумската писменост во образованието во Македонија.
Основната цел на овој семинар е унапредување на медиумската писменост кај наставниците, а преку нив унапредување на писменоста на учениците. Во рамки на семинарот беше разговарано за начинот на кој тие ќе можат да ги унапредат своите познавања за улогата и функцијата на медиумите во демократските општества, да можат критички да пристапат, да ги анализираат содржините и пораките од различни видови на медиуми, интернет или реклами.
Семинарот за професорите од основните училишта од регионот го организираше Институтот за демократија и Македонскиот институт за медиуми во Република Македонија, со подршка на програмата “Матра“ од Министерството за надворешни работи на Кралството Холандија.
OhridNews
