Еден морски лав стар 19 години умрел во зоолошката градина во Нинберг, најверојатно поради премногу секс, соопштија официјалните лица на зоолошката градина. Мажјаците често умираат кога е сезоната за парење, бидејќи не се хранат со денови и се посветуваат само на размножувањето. Тоа е многу исцрпувачки период за мажјаците кои имаат по неколку женки.
Морскиот лав по име Марк, тежок 285 килограми умрел и покрај напорите на чуварите да го спасат. Имал три женки- Фара, Тифи и Сода. Бил татко на 12 потомци. Животниот век на морските лавови изнесува 17 години во просек, додека во зоолошките градини можат да живеат и до 30 години.
