Карлос Рафаел, сопственик на рибарски брод, бил восхитен кога уловил туна тешка 400 килограми. Но, среќата не траела долго. Агентите на сојузната рибарска агенција ја заплениле туната веднаш штом бродот се вратил во пристаништето. Рафаел имал дозвола за лов на туни, но федералците му рекле дека уловот е илегален бидејќи бил уловен во мрежа.
Имено, туната смеело да се лови само со рачна опрема, како јадица или харпун, а ловењето со мрежа било недозволено. Рафаел изјавил дека ловеле други врсти, а ја уловиле туната. Толку голема туна воедно била и многу вредна. Неодамна една туна тешка 342 килограми била продадена за 396 илјади долари. И оваа исто така ќе биде продадена, но Рафаел нема да добие ниту цент, доколку надлежната служба потврди дека имало неправилности при ловењето.
