“Уличната сигнализација треба да се обележува ноќе, а не во најголемата гужва преку ден. Вака бојадисувањето наликува на трошење пари без врска, а некој има корист од тоа“. Ова стои во реакцијата на нашиот читател Влатко испратена до нашата редакција, по повод информациите за обележувањето на хоризонталната сигнализација во градот.„Ohridnews“ ја контактираше локалната самоуправа од каде се согласуваат дека обележувањето на уличната сигнализација е подобро да се прави ноќе, но тоа според неа од објективни причини не се практикува.
„Сигнализацијата не се бојадисува ноќе заради тоа што и покрај уличното осветлување прегледноста не е доволно добра како што е тоа случај преку ден во однос на нијансата на бојата и чистотата на подлогата“, одговараат од локалната самоуправа.
За разлика од кај нас, во голем дел европски држави ваквите интервенции, па и реконструкциите на патишта се прават ноќе.
Ohridnews
