Група составена од 15-тина туроператори и новинари од Украина, кои пред тамошната јавност ќе ги презентираат македонските туристички потенцијали, во наредните четири дена ќе престојува во Охрид. По тој повод министерката за економија, Вера Рафајловска, утре во х. Инекс ќе одржи прес конференција.
Овој туристички проект е дел од годишните програмски активности на секторот туризам и угостителство при Министерството за економија, а се реализира во соработка со Здружението на хотелиери – ХОТАМ и има за цел директно, брзо и ефикасно запознавање на потенцијалните туристи од одредена земја, во случајов од Украина, со убавините и туристичките можности што ги нуди нашата земја, непосредно пред почетокот на летната сезона.
Доаѓањето на оваа група туроператори и новинари од Украина е резултат нанеодамнешната посета на македонските туристички работници во Киев, каде во соработка со Амбасадата на Република Македонија во Украина, успешно беше организирана презентација на нашата земја пред украинската деловна јавност.
ohridnews
