Посебниот режим на сообраќај што за време на Безбедносниот форум на НАТО беше на сила во Охрид – е укинат од денес, соопшти Министерството за внатрешни работи. МВР упати јавна благодарност до сите граѓани на Охрид и охридско за покажаното разбирање и соработка со полицијата.
„Граѓаните на Охрид покажаа исклучително високо ниво на соработка со полицијата и сето тоа резултираше со добра организација на настанот што пак придонесе сите гости и делегации пријатно да се чувствуваат“ изјави министерката за внатрешни работи Гордана Јанкуловска.
Најголемиот дел од 600-те учесници на НАТО Форумот го напуштија Охрид уште во текот на вчерашниот ден, а денеска преостанатите 3 делегации ја напуштаат држава.
